Siglir tar il cuntegn

Surselva Curatella professiunala Surselva survegn nov manader

La suprastanza da la Regiun Surselva ha elegì Gioni Coluccello da Glion sco nov manader da la Curatella professiunala Surselva.

Gioni Coluccello da Glion.
Legenda: Il novelegì manader da la Curatella professiunala Surselva, Gioni Coluccello. mad

Il pedagog social diplomà surpiglia ses nov post davent dal 1. da schaner 2016. La funcziun da manader munta à 20%, ils ulteriurs 80% lavura el vinavant sco procuratur professiunal. Gia ils davos onns è Gioni Coluccello stà substitut dal manader da la Curatella professiunala Surselva, Diego Deplazes, che banduna ses post per la fin december 2015.

Il team da la curatella professiunala Surselva vegn cumplettà da Beat Hosang da Trun, era el cumenza la lavur cun l’entschatta dal onn che vegn.

RR Novitads 09:00