Il project vegn finanzià cun ina ipoteca da ca. 700’000 francs, il chantun e l' Agid svizzer per la muntogna dattan 500’000 francs, la vischnanca da Medel 200’000 francs ed il rest vegn d’ina societad d’aczias. Els sajan en contact cun pliras persunas ed els vegnian da rimnar quest chapital, di Rico Tuor. I manchia mo anc ca. 100'000 francs.
L'avust cumenza la sanaziun
L’avust veglian els cumenzar a sanar il bajetg. En ina emprima etappa vegn surtut il plaunterren renovà respectiv adattà als basegns d’in hotel. Grondas midadas vid il bajetg na stoppian els dentant far. Pli tard – forsa en ina segunda etappa – veglian els ponderar sch’ins stoppia renovar la fatschada, far il tetg ubain construir in wellness.
Hotel cun mesa pensiun
Il matg passa veva la radunanza communala da Medel approvà il contract en dretg da bajegiar e concedì 200’000 francs per l’investiziun. Igl è previs da far ord la Tgasa Sontgaclau in hotel cun mesa pensiun che ha plaz per 30 fin maximalmain 40 persunas. La fin da l’onn duess el esser en funcziun.