Siglir tar il cuntegn

Header

cuntegn

Surselva Curaglia: Hotel Vallatscha cun nova manadra

Il hotel e restaurant Vallatscha a Curaglia ha chattà ina nova manadra da fatschenta. Sco il possessur Peter Binz scriva, vegn Sonja Schlegel a surpigliar la gestiun dal hotel en la Val Medel a partir dal 1. da december.

Sonja Schlegel ha fatg la scolaziun sco hoteliera. Sco Binz scriva, vegnian sia dunna Imelda ed el a laschar maun liber a la nova manadra da fatschenta, uschia ch’ella po realisar sias ideas.

Ad interim manà sez l’hotel

Dapi il matg 2016 ha Peter Binz e sia consorta Imelda manà il Vallatscha ed il zercladur 2017 han ils possessur annunzià da vulair vender l’hotel. Ma senza success.

Lunga istorgia

L'istorgia da l'hotel Vallatscha cumenza 1910. Alura aveva l'indigen Martin Bundi construì la Dependance sco supplement da l'hotel Lukmanier. 1966 è quel vegnì serrà, mo la Dependance è vegnida manada enavant sco hotel Scopi. 2008 han Peter ed Imelda Binz-Ferrari acquistà quel e midà en l'hotel Vallatscha (in num d'ina muntogna en Val Medel).

L’avertura dal Vallatscha cun la manadra nova vegn ad esser ils 18 da december.

RR novitads 16:00

Artitgels legids il pli savens