Il CSA surpiglia il marketing, organisescha e venda las purschidas. La gronda part da questa lavur fa la giuvna Tabea Baumgartner. Il CSA maina era la contabilitad, fa il preventiv ed il quint annual. Ils responsabels dal CSA e da la cumissiun da L’Academia Vivian quintan da pudair nizzegiar sinergias.
Project per la Cadi
2012 avevan las trais vischnancas da Mustér, Tujetsch e Medel cumenzà a realisar il project per in bajetg si Stagias, 1650 meters sur mar tranter Medel e Tujetsch. La finamira è da porscher scolaziun e furmaziun surtut sur dal tema guaud. Ils 13 da settember 2014 è quest bajetg vegnì inaugurà.