Siglir tar il cuntegn

Header

Navigaziun

Legenda: Tadlar il audio Mezdi: Prevista Cuntrasts cun Gieri Cathomas. Durada 03:16 minutas.
Or da Actualitad dals 08.08.2019.
cuntegn

Cuntrasts – La seria da stad Gieri Cathomas è mintgatant anc adina in stroli

«Gieri il stroli», uschia sa numna in film che Petra Rothmund ha fatg il 2012. La redactura da la Televisiun rumantscha ha accumpagnà l’um ch'è creschì si a Sumvitg ed ha fatg carriera a Turitg.

En il film di la mamma ch’il Gieri haja fitg bler temperament ed energia; e quai haja duvrà inqual giada gronda pazienza. Oz – set onns pli tard – ha el sez in figl da passa trais onns e mez. Blers dian che ses figl saja la copia dad el; ed uss possia el vesair, co ch'el era sco pitschen.

I n'è betg adina lev, ma igl è segir pli bel d’avair glieud che ha energia che da quels che sesan mo enturn.
Autur: Gieri Cathomas

Gieri Cathomas lavura tar la firma Swiss Prevention Clinic. Las duas firmas anteriuras, Smoothline e Double Check, ha el vendì. La Swiss Prevention Clinic PC na fa betg operaziuns esteticas (sco la Smoothline fascheva). Els hajan mo ina pratica pitschna cun dus cardiologs e fetschian las emprimas intervistas cun ils pazients per guardar, tge ch’els dovrian. Sche quai dat alura ina operaziun, van ils pazients en ils ospitals da Turitg ubain en clinicas privatas.

Stretg contact cun la famiglia a Sumvitg

L’um da 43 onns ha mantegnì in stretg contact cun sia famiglia a Sumvitg. Là vegn el tant sco pussaivel cun sia dunna e ses dus uffants pitschens. El sappia danunder ch’el vegnia e nua che sias ragischs sajan.

Cura che jau sun a Sumvitg sun jau forsa il stroli da pli baud e na stoi betg guardar sin las normas uschè fitg sco a Turitg.
Autur: Gieri Cathomas

RR actualitad 11:00