Cun l'aua da Pigniu - Tavanasa - Co l’aua vegn rimnada, schubregiada e midada en energia
En il Grischun gioga l'aua ina rolla centrala per la producziun d'energia. Dentant: Tge capita precis al mir da fermada, tar la tschiffada ed en la centrala d'ina ovra electrica? RTR accumpogna Ewald Cavegn da la firma Axpo dal lai da fermada a Pigniu fin tar la centrala a Tavanasa.
Il lai da fermada a Pigniu sin 1400 meters è in dals lais nua che l’aua vegn rimnada. Il mument è il lai - ch'è circa 1.5 km lung e 250 meters lad - anc quasi vid. En il mir èsi vegnì construì sulers per far tschertas controllas.
audio
Bunura: Live da Pigniu
06:04 min, ord Actualitad dals 26.04.2019.
laschar ir. Durada: 6 minutas 4 Secundas.
A la tschiffada a Tavanasa vegn l’aua schubregiada en in sistem da rastels e serras ch’ins po avrir u serrar. Ina part da l’aua, l’aua restanta, va enavant en il Rain anteriur.
audio
Bunura: Live da la tschiffada da l'aua a Tavanasa
04:28 min, ord Actualitad dals 26.04.2019.
laschar ir. Durada: 4 minutas 28 Secundas.
00:36
video
Impressiuns da la tschiffada da l'aua a Tavanasa
Or da RTR dals 26.04.2019.
laschar ir. Durada: 36 Secundas.
En la centrala da l’Axpo Hydro Surselva a Tavanasa vegn tut controllà e surveglià. Ina suletta persuna po far quai. La centrala è era il lieu da distribuziun d’energia.