Siglir tar il cuntegn

Surselva Cumpadials: Success per emprim open air en chasa da vegls

Rodund 400 persunas han visità l’emprim open air da la chasa da vegls e da tgira S. Giusep a Cumpadials.

Legende: Video Giuven e vegl han gì plaschair da l’open-air da la chasa da vegls a Cumpadials abspielen. Laufzeit 02:29 Minuten.
Or da Actualitad video dals 29.08.2016.

Sco quai che Esther Appenzeller, ina da las manadras da la chasa ha ditg ad RTR, sajan els fitg cuntents. Els hajan survegnì blers cumpliments. Tut saja grategià sco giavischà. Visitaders e cussedents hajan gì plaschair. L’idea d’in inscunter tranter giuven e vegl haja funcziunà fitg bain, declera Esther Appenzeller vinavant.

Da las diesch la bun’ura fin las diesch da la saira han 10 furmaziuns concertà. Las furmaziuns èn stadas fitg differentas ed han tanschì da la musica populara sur chantauturs, chor e musica da rock e pop. Sche la chasa da vegls e da tgira S. Giusep organisescha l’auter onn era in open air n’è anc betg cler.