Dapi la demissiun da Toni Camathias mez schaner curseschan plirs nums per il presidi da Laax. Ralf Seelig, ch' è gia en suprastanza da Laax ha annunzià uffizialmain sia candidatura. Sia consuprastanta Marita Bürkli - Buchli ponderescha da candidar, ella n'ha anc betg decidì. Er Franz Gschwend è stà en suprastanza ed ha candidà l'onn 2006, el ha ditg a la ANR ch'el pondereschia anc sia candidatura.
In ulteriur num che vegn numnà per il carussel da candidats è Vitus Dermont. El è gia sta 12 onns president da Laax ed ha manegià, ch'el desistia d'ina candidatura sch'i dettia candidats pli giuvens. Quai er en vista da la lavur che spetgia sin el. L'avust vegn Vitus Dermont elegì sco president dal cussegl grond. Las elecziuns per il pesidi da Laax han lieu ils 17 d’avrigl.