Siglir tar il cuntegn

Header

cuntegn

Crisa da corona Gruppa Arena Alva cun ina svieuta negativa

En l’onn da fatschenta 2019/20 è la svieuta netta sa reducida per 9,2 % (8,9 milliuns) ad 88 milliuns francs. Il cashflow fa 17.46 milliuns francs (2018/19: 24,12 milliuns).

Resultat positiv la stad e da Nadal/Bumaun

La stad da l’onn passà saja stada buna cun in plus da 13,6% en las pernottaziuns (33'324 pernottaziuns) – cumpareglià cun l’onn avant. Era l’enviern ha cumenzà bain da Nadal e Bumaun cun passa 9% dapli giasts dal di – en tut passa 171’000 giasts. Fin mez mars ha la Gruppa Arena Alva era pudì cuntanscher in resultat positiv tar la gastronomia e la hotellaria. Ma pervia da corona han ins stuì serrar ils indrizs da las pendicularas ed ils manaschis da gastronomia.

Enstagl d'in record in minus

Senza las mesiras da corona fiss l’onn da fatschenta passà stà in onn da record, scriva la Gruppa Arena Alva en il rapport. Ma uschia resulta a la fin:

  • in minus da 14,9 % tar ils giasts dal di (874’386)
  • in minus da 13,4 % (3,8 milliuns francs) en la gastronomia (25,2 milliuns francs)
  • in minus da 12,6 % en las pernottaziuns:

    2019/20: 113’489

    2018/19: 129’915.

audio
Per tadlar – curt e concis
ord RTR Audio dals 08.09.2020. Maletg: RTR
laschar ir. Durada: 46 Secundas.

RTR novitads 12:00

Artitgels legids il pli savens