Siglir tar il cuntegn

Header

cuntegn

Surselva Confurm als basegns da persunas cun impediments

L'anteriura chasa d'attempads e da tgira a Cumbel sa posiziunescha en ina nischa.

  • Hotel Miraval senza barrieras per persunas cun impediments.
  • 4 equipas da para skiunzs èn staziunadas en quest hotel durant ils finals da la Cuppa d’Europa a Sursaissa.

Chasa da tgira è dapi 2015 in Hotel

L’anteriura chasa d'attempads e da tgira da la Lumnezia a Cumbel è ussa il Hotel Miraval. Entras quai che la chasa era gia concepida per sutgas cun rodas - pia senza barrieras – è ussa era il Hotel Miraval ina destinaziun ideala per persunas en sutga cun rodas. Entras ils campiunadis da la Cuppa d'Europa da para ski alpin a Sursaissa, ha l'hotel Miraval pudì sa posiziunar en quai segment da hotels cumpatibels per persunas cun impediments.

audio
Saira: Hotel confurm als basegns da persunas cun impediments
ord Actualitad dals 28.03.2018.
laschar ir. Durada: 3 minutas 2 Secundas.

Tut las stanzas èn cuntanschiblas cun sutgas cun rodas, i dat trais ascensurs e l’ischa è fitg lada perquai ch'en la chasa da tgira stuevan ins pudair passar tras las portas cun in letg. Ussa vegn quai dabun a l'hotel, ch'è uschia cumpatibels per persunas cun impediments. Durant il temps dal Campiunadi d’Europa da para ski alpin èn quatter equipas staziunadas en quest Hotel: ils Austriacs, l’equipa Ollandaisa, ils Tschecs ed ils Franzos.

RR actualitad 17:00

Artitgels legids il pli savens