Surselva - Colliaziuns da la saira adattadas en Surselva
A partir da la dumengia passada pon passagiers en Surselva er entrar tar mintga fermada en ils bus tards tranter Glion e Mustér e betg mo sortir da quels. Quai communitgescha la Viafier retica.
Sin giavisch da la regiun e dals clients dals meds da transport publics ha la Viafier retica adattà ses concept da las fermadas per las colliaziuns da la saira tard. Il december da l'onn passà era il concept da traffic en Surselva vegnì adattà. Dapi lura curseschan bus tranter Glion e Mustér mintgamai a las 22.37 e da las 23.37 la saira. Fin ussa pudev'ins entrar mo a Glion e sortir en mintga lieu.
