Siglir tar il cuntegn

Surselva Colliar giuven e vegl tar il public viewing a Vella

Dumengia saira ha l’equipa svizra procurà per ina gronda surpraisa. Ella è stada buna da far frunt als favurits, numnadamain a l’equipa brasiliana. Cun in pari da 1:1 vessan be ils paucs fatg quint, n'era quels al public viewing en Lumnezia betg.

Legende: Video Public viewing a Vella abspielen. Laufzeit 03:53 Minuten.
Or da Telesguard dals 18.06.2018.

Public viewing è dapi in per onns en moda. Ina purschida ch’i dat quest onn era a Vella dasper la chasa d’attempads. Ensemen cun il club da ballape Lumnezia ha il manader da la chasa d’attempads organisà questa purschida. La finamira: il ballape duess colliar giuven e vegl.

Tratgs naziunals

Il public viewing duess era porscher insatge culinaric. Durant mintga partida vegn cuschinà in tratg naziunal da las dus squadras che giogan la partida. Durant il gieu Brasilia – Svizra era quai Raclette e Caseira.

Telesguard 18-06-2018