Siglir tar il cuntegn

Header

audio
Stgaudar chasas veglias: tge stgaudament per chasas da lain
Or da Actualitad dals 12.01.2021.
laschar ir. Durada: 3 minutas 50 Secundas.
cuntegn

Co stgaudar chasas veglias I dat bleras pussaivladads da stgaudar ina chasa

Tar ina renovaziun vegn dà blera paisa da far stgaudaments che correspundan als basegns d'ozendi.

Tar sanaziuns da chasas veglias preferescha Maurus Cathomas, che planisescha renovaziuns, la pussaivladad da colliar las chasas cun chalira a distanza. Quai lubeschia da mantegnair ils sistems vegls da stgaudar en quellas chasas sco sistems secundars. Ina pigna da scalegl daventia uschia in sistem supplementar ed i na dovria betg tanta laina. Stgaudar cun laina saja daventà pli pauc attractiv pervi da la lavur cun la laina e pervi da las prescripziuns da pulvra fina che quellas pignas ston ademplir.

Il stgaudament è il cor da la chasa, sche la chasa è chauda sa senta l’uman bain.
Autur: Maurus Cathomas Planisader da restauraziuns

Tut ils sistems alternativs da stgaudar èn ad interim renconuschids, chalira da la terra, chalira da l'aria, sistems solar voltaics e termics, pellets u era la chalira a distanza. Sco quai che Maurus Cathomas di, na datti betg il sistem per chasas veglias. I dettia mo per mintga chasa la meglra schliaziun. Quella saja dad eruir, di Cathomas che sanescha gia dapi blers onns chasas veglias.

RTR actualitad 07:00

Artitgels legids il pli savens