Siglir tar il cuntegn

Surselva Co che Gion Gieri Tuor sa prepara per l’opera

2005 han Gion Gieri Tuor e Thomas Mirer fundà l’opera viva a Sursaissa. L’emprima opera è stada il 2006 cun 'I Lombardi'. Fin oz èn vegnidas preschentadas 7 operas a Sursaissa. Quest onn è «Guglielmo Tell» da Gioachino Rossini sin il program. Ella vegn dada 10 giadas e cuzza mintgamai 2 uras e mez.

Per il manader artistic, musical e dirigent Gion Gieri Tuor èsi in lung temp da preparaziun per ina preschentaziun. La preparaziun cumenzà gia a las 16:00, cura ch’el vegn en sia stanza per studegiar la partitura e per memorisar tschertas passaschas. Suenter quest temp da ruaus va el tranter las 17:00 e las 18:00 en tenda per far ina introducziun a l’opera ubain per salidar ils voluntaris e gidanters.

Vers las 19:30 metta el la partitura sin ses pult da dirigent en tenda. Uschia possia el esser segir che tut saja preparà. Sin ses pult ha el sper il stab da dirigent era ina scrotta da sa lavar. El suja fitg, di Gion Gieri Tuor. perquai stoppia el avair insatge per fruschar davent las stellas.

Curt avant las 20:00 s’inscuntran las 50 chantaduras e chantadurs dal Coro opera viva per «stgaudar la vusch», sco il dirigent di. Silsuenter resta anc temp per sa stgamiar e sa concentrar in'ultima giada avant che l’opera «Guglielmo Tell» cumenza. A la fin da represchentaziun di il dirigent, ch’el saja fitg cuntent e che quai grategia grondiusamain.

RR actualitad 08:00