Siglir tar il cuntegn

Surselva Claustra da Mustér vul cumprar ospital militar

L’ospital militar sin l’areal da la claustra da Mustér è vegnì construì il cumenzament dals onns settanta. Uss vul 'Armasuisse immobiglias' vender quest object.

Sco la pledadra da 'Armasuisse immobiglias' Margrit Schwaller ha ditg ad RTR na dovria l’armada betg pli quest ospital. Perquai sajan els en contractivas cun la claustra. Els quintian da pudair suttascriver il contract enfin la fin dal 2016.

L'armada na dovra betg pli el

L’ospital militar sin l’areal da la claustra da Mustér è zuppà bain. Da dador vesan ins mo l’entrada. Dadens è quai auter. Sin duas auzadas pon ins anc vesair instruments ed apparats da l’ospital, per exempel las chazzolas per operar che pendan anc, ubain ils apparats da sterilisar, la cuschina e maschinas da lavar vestgadira. Ma dapi la fin dal 2006 na dovra l’armada svizra betg pli quest ospital.

Lieu per tegnair en salv bains culturals

La claustra veglia cumprar l'ospital ha ditg il manader da fatschenta da la claustra Peter Binz. In'idea fiss da tegnair en salv là bains da cultura, sco per exempel la biblioteca rumantscha da la claustra ch`è gia en quest anteriur ospital. Ma il mument saja anc memia baud da dir dapli.

RR acutalitad 12:00

Ord l'archiv:

Legende: Video Balcun tort - spital militar a Mustér abspielen. Laufzeit 02:47 Minuten.
Or da RTR dals 21.10.1973.
Legende: Video Telesguard 11-09-1993: Operaziun en il spital militar abspielen. Laufzeit 04:29 Minuten.
Or da RTR dals 11.09.1993.