Claustra da Mustér: palancà resta fin primavaira

Perquai che las liadiras da la fatschada sid da la claustra da Mustér èn en in mender stan che quintà na pon las lavurs betg vegnir terminadas il november sco planisà.

Laschar ir video «Renovaziun nuncunvenziunala»

Renovaziun nuncunvenziunala

3:21 min, Telesguard dals 20.9.2016

Per part saja simplamain vegni fatg novas liadiras sin la colur, declera il stuccatur, Thomas Krüger. Uschia na fetschia quai betg smirvegliar che la liadira vegnia giuadora. La nova liadira vegn fatga sco avant tschientaners. Cun sablun chaltschina e pail da portgs selvadis. Il pail procura per ina sort rait en la liadira e tegn ensemen questa. Il pail procura dentant era che la liadira sa lia bain cun la crappa suten.

Il palancà vid la fatschada sid resta anc fin primavaira.

Legenda da maletgs: Il palancà vid la fatschada sid resta anc fin primavaira. RTR, G. Hosang

Era ils restauraturs dals purtrets murals han sfidas. Tar els mancan per part entiras parts dals purtrets. Uschia sto il purtret en il culmar tranter las duas turs per part vegnir reconstruì sin fundament d’ina fotografia ch’è vegnida fatga ils onns 50 suenter l’ultima restauraziun da la claustra. Ma tar ils maletgs han n’han ins betg gì surpraisas.

Sin ils custs ha il surpli da lavur vid las liadiras betg influenza. Tenor la pledadra da medias Nina Hug. Per tals cas saja vegnì calculà en ils custs da restauraziun a 15 milliuns reservas. Ils daners per la renovaziun n’èn dentant anc betg rimnads. I mancan anc var 4 milliuns. Las lavurs da renovaziun da la baselgia da la claustra da Mustér externas ed internas duain esser a fin il 2019.

TR Telesguard 17:40