Siglir tar il cuntegn

Header

cuntegn

Surselva Chattar dormitoris n’è betg simpel

A la festa federala d’accordeon a Mustér vegnan spetgads 2'000 participants, e quels dovran ina pussaivladad da pernottar.

Far insatge cunter la digren da las pernottaziuns en la regiun, quai è stà la motivaziun dad organisar la 17avla festa federala d’accordeon a Mustér. Dentant gist las pernottaziuns paran ils organisaturs d’avair sutvalità in pau. Tenor Flavio Murer, il president dal comité d’organisaziun, po quai esser stà uschia: «Nus avain gì organisà il 2006 la festa orientala d’accordeon, lura aveva in grond dumber dals participants durmì en il tschaler da la protecziun civila». Il temp paria dentant d'esser sa midà, ed uschia saja la dumonda per chombras d’hotel pli gronda. Latiers vegnian hotels che serrian, declera Flavio Murer vinavant. Per Sedrun Mustér Turissem che organisescha ils dormitoris per ils participants hai uschia num tschertgar ulteriurs hotels da la val giu.

Abitaziuns da vacanzas pudessan esser opziun

Ils organisaturs ston uschia quintar cun dapli transports che ston vegnids organisads. Sco Flavio Murer di, vegnian quests fatgs cun bus pitschens. Ils custs supplementars persuenter calculescha el cun 10'000 fin 15’000 francs. Proximamain veglian ins dentant era pledentar possessurs d’abitaziuns da vacanzas, per dumandar sch’els fissan pronts da laschar a tschains las abitaziuns mo per 2 notgs.

audio
Mezdi: Memia paucs letgs per ils participants da la festa federala d’accordeon a Mustér l’onn proxim
ord Actualitad dals 18.08.2015.
laschar ir. Durada: 2 minutas 44 Secundas.

La Festa federala d’accordeon è ils 3 fin ils 5 da zercladur 2016 a Mustér, ed ha in budget da rodund 400’000 francs.

Artitgels legids il pli savens