Siglir tar il cuntegn
Inhalt

Surselva Chascharia nova en val Medel

Il plan da fatschenta per ina chascharia nova a Curaglia èn sin maisa

Il bajetg da la chascharia veglia a Curaglia.
Legenda: Il bajetg da la chascharia veglia a Curaglia. Tabea Baumgartner

L’uniun La Caura ha gia rimnà la mesadad dals daners, sco il president communal e president da La Caura Peter Binz di. Il project custa 500'000 francs. 200'000 francs èn in emprest, 50'000 vegnan da La Caura e 250'000 da fundaziuns.
La finamira è d'elavurar 100‘000 liters latg ad onn. Cun quels vegni producì 10 tonnas chaschiel chaura e nursa. Betg mo ils purs da la Val Medel duain furnir latg, purs da l’entira Surselva.

Almain duas plazzas

La chascharia nova creescha ina plivalur en la Val Medel, i dat almain duas plazzas novas, dapli chauras e products da auta qualitad.
Avant 50/60 onns vivevan anc 1000 chauras en la val, oz mo anc 150. Trais purs tegnan quest animal. Gia enturn 1900 veva Curaglia ina chascharia, mo dapi 1996 na vegni betg chaschà pli en quella.