Tranter auter han ils var 10 pigns che ston vegnir derschids pervia da questa punt procurà per discussiuns. Cun quai che las uniuns per l'ambient èn stadas involvidas en il process da lubientscha, na saja dentant betg da quintar cun recurs manegia Camathias.
La punt da Staderas a Laax è ina punt per il traffic plaun da peduns e velos, ella maina sur la via principala vi. Per la punt da lain da 115 meters lunghezza vegn duvrà lain indigen. Ils custs per questa punt, èn bunamain in milliun francs.
