Siglir tar il cuntegn
Inhalt

Surselva «Challenge» per la Scola da talents Surselva

Strusch ha l’onn nov da scola cumenzà e gia ston ils scolars da la Scola da talents Surselva a Glion far atras la notg, e quai cun il scolast. Durant 24 uras vegn lavurà, marschà, cuschinà, dentant betg durmì. Er il telefonin è tabu durant quella «challenge».

Legende: Video Scola da talents «challenge» abspielen. Laufzeit 01:19 Minuten.
Or da RTR dals 24.08.2017.

Durant questas 24 uras datti differentas sfidas da surmuntar. Cumenzà haja l’acziun cun far cumbinellas e cun staffettas da currer di il scolast Gieri Tschuor. Silsuenter èsi ir a pe sin las alps sur Siat nua ch’i è vegnì lavurà durant 4-5 uras cun schubregiar il guaud.

Là han ils scolars survegnì l’agid da Sigi Andreoli, il selvicultur da Glion. La saira vegn ì a raiver e suenter tschaina vegn marschà tras la notg cumbinà cun gieus. Durant la notg vegn dentant er servì ina schuppa chauda. A fin va la «challenge» il venderdi la damaun a las 7:00 uras cun ir a far bogn ed in ensolver a Glion.

Tenor il scolast Gieri Tschuor è l’idea da quest'acziun ch’ins emprendia d’enconuscher endretg ils scolars, da manar els als cunfins e ch’els emprendian uschia era d’enconuscher sa sezs. E lura giaja era per manar ensemen las differentas classas.

RR actualitad 17:00