Casaulta daventa nov manader da la Pro Senectute Surselva

Curdin Casaulta daventa nov manader da la Pro Senectute Surselva a Glion.

Curdin Casaulta

Legenda da maletgs: Curdin Casaulta nov manader da la Pro Senectute Surselva mad

Il cussegl da fundaziun da la Pro Senectute Grischun ha elegì Curdin Casaulta da Lumbrein sco nov manader dal post da cussegliaziun per la Surselva a Glion. Quai rapporta l’Agentura da novitads rumantscha. El surpiglia la funcziun l’emprim d’avust 2016 sco successur da Silvio Albin, che va en pensiun suenter in engaschament da varga 20 onns sco manader dil post.

Curdin Casaulta è creschì si a Lumbrein. Suenter avair dà scola a Vrin è el stà engaschà en differentas funcziuns en il cumin da la Lumnezia e l’administraziun chantunala. Durant quatter onns ha Curdin Casaulta timunà la chasa da vegls e da tgira Da Casa Val Lumnezia. Sco ultim è el stà lavurer social tar ils servetschs socials regiunals dal chantun a Cuira ed a Glion. La Pro Senectute Grischun è persvasa d’avair elegì cun Curdin Casaulta in manader da post cumpetent per la regiun Surselva.