Siglir tar il cuntegn

Surselva Casa Desax sco Timeout-Residence

L’onn passà ha Susanne Hollenstein da Malans cumprà quest bajetg da lunga tradiziun a Trun. Ussa ha ella plans concrets, co ella vul nizzegiar quel.

Il placat che fa attent a las abitaziuns en Casa Desax
Legenda: Il placat che fa attent a las abitaziuns en Casa Desax RTR, H. Giger

En l’emprima e - sch’i dat avunda interessents – era la terza auzada datti abitaziuns da 4 ½ stanzas. I sa tracta dad abitaziuns da vacanzas per persunas che tschertgan il ruaus. Perquai numna Susanne Hollenstein questas: Timeout-Residences. Ella veglia contactar firmas che prendan a tschains las abitaziuns per in tschert temp. L’abitaziun en la segunda auzada vul ella vender; ed en il plaunterren datti u biros, stanzas da musica ubain da terapia.

1,5 - 2 milliuns francs

Susanne Hollenstein quinta cun investiziuns da 1,5 – 2 milliuns francs. Ma la finanziaziun na saja anc betg reglada. Ella spera da survegnir daners da fundaziuns e da la tgira da monuments, surtut era da la tgira da monuments federala. Cura ch’ella haja fatg la dumonda haja quai dà dapli lavur cun scriver rapports e cun preschentar plans detagliads.

Retard

Il project ha retard. Previs eri d’esser a fin il mars 2017. Ma ussa giaja quai fin l’october 2017.

RR actualitad 08:00