Siglir tar il cuntegn

Header

cuntegn

Casa d'Angel Lumbrein «Il luf el visier digl art»

En l'art na vegn il luf betg davent bain, el fa sgarschur e smanatscha.

Uss ha ella cumenzà: L’exposiziun davart il luf ch'ha dà da discutar gia avant l'avertura. L'exposiziun «Il luf el visier digl art» è vegnida tematisada da las autoritads localas gia durant la planisaziun.

Cura che nus avain udì ch'i dettia in'exposiziun davart i luf, ha la suprastanza da la vischnanca Lumnezia dumandà suenter tge che vegnia propi fatg en la Casa d'Angel. È quai propi commensurà da prender quest tema en quest temp, cura che tut enturn il luf è uschè emoziunal ed acut?
Autur: Daniel Solèr President da la vischnanca Lumnezia

Che la suprastanza da vischnanca s’empatscha dal program d'exposiziun n'è betg ina chaussa dal mintgadi.

I ha dà massivas reacziuns e la suprastanza communala ha tematisà questa exposiziun. Jau hai tschertgà il contact cun ella. La finala essan nus vegnids citads duas giadas davant la suprastanza, nua che nus avain pudì exprimer che nus na preschentain betg l'aspect politic dal luf, mabain l'aspect cultural.
Autur: Martin Cabalzar President Fundaziun da cultura Lumnezia

Per la Casa d'Angel è la discussiun gia ordavant stada ina motivaziun supplementara.

La cultura dastga era tractar chaussas fitg actualas – e betg mo istorgia. Il luf è ina tematica uschia virulenta che nus dastgain tractar ella en l'art.
Autur: Anne-Louise Joël Manadera Casa d'Angel
video
Il luf en il visier da l'art
Or da sil punct dals 06.07.2021.
laschar ir. Durada: 2 minutas 4 Secundas.
video
Il luf en il visier da l'art
Or da sil punct dals 06.07.2021.
laschar ir. Durada: 2 minutas 4 Secundas.

RTR actualitad 07:00

Artitgels legids il pli savens