Siglir tar il cuntegn

Header

video
Carli Scherrer vegn 80
Or da Giuventetgna dals 12.09.2018.
laschar ir. Durada: 1 minuta 17 Secundas.
cuntegn

Surselva Carli Scherrer ha 80

Ils 12 da settember festivescha il cumponist e promotur dal rumantsch ses anniversari radund.

audio
Mezdi: Trun: Carli Scherrer ha 80 onns
ord Actualitad dals 12.09.2018.
laschar ir. Durada: 2 minutas 46 Secundas.

Carli Scherrer ha fatg il seminari da scolast e dà scola blers onns a Trun. En l'entira Rumantschia è el vegnì enconuschent pervi da ses post sco collavuratur da la Lia Rumantscha. In da ses merits èn stadas las inscripziuns rumantschas tar las fatschentas. Quai na sa chapiva insumma betg da sasez ils onns 70 ed 80.

In auter merit ch'ha fatg enconuschent Carli Scherrer èn sias cumposiziuns. Onns a la lunga ha el era dirigì il chor da Schlans.

Famiglia musicala

Las soras Scherrer èn sias quatter figlias. Clau Scherrer – il manader da la scola da musica Surselva e dirigent da plirs chors – è ses figl.

La musicalitad hajan ses uffants ertà da la mamma, manegia Scherrer. En lur famiglia dominava il chant. Era haja el emprendì d'enconuscher sia dunna Sabina per amur dal chant.

Jau hai fatg pasch cun tut ils animals e na vom gia blers onns betg pli a chatscha.
Autur: Carli Scherrer Cumponist

Sco um giuven è Carli Scherrer era stà chatschadur, ina passiun ch'el haja dentant pers dal tuttafatg, sco el di.

RR novitads 11:00

Artitgels legids il pli savens