Siglir tar il cuntegn

Surselva Carillon resta a Mustér

Ils daners per cumprar il carillon (la tur da zains) dal vitg da vacanzas da la Reka a Mustér èn ensemen.

Carillon sin il plaz da gieu da la Reka a Mustér
Legenda: Il carillon po restar a Mustér. RTR, G. Hosang

Sco quai che la gruppa d’interess Carillon Mustér communitgescha èsi reussì da chattar sponsurs per ils 50’000 francs ch’i dovra per pudair cumprar la tur cun ils zains che sunan melodias. La Reka aveva numnadamain decidì d’allontanar questa tur da lur plaz da gieus, perquai ch’i ha dà reclamaziuns da vischins cun abitaziuns da vacanzas. La Reka ha lura fatg in pretsch spezial per il carillon per pussibilitar ch’el restia forsa tuttina a Mustér.

Lubientscha è sin maisa

La gruppa d’interess Carillon Mustér ha era tschertgà in lieu adattà per postar la tur ch’è tenor la gruppa d’interess ina attracziun per Mustér. La finala è vegnì chattà in lieu avant la chasa da tgira Puntreis uschia ch’igl è vegnì inoltrà ina dumonda da bajegiar. Cunter questa n’ha i dà nagins recurs uschia che la vischnanca ha pudì dar la lubientscha.