Durant l'apero per la campiunessa mundiala a Breil, ha Irina Tuor tradì ch’ella vuless daventar media. Sco emprim stoppia ella perquai prender suenter la matura. Che tut è pussaivel, sch'ella mo vul, han pliras persunas attestà. Uschia era Andrea Weibel, la manadra dals emprendists da l'Ospital chantunal a Cuira.
Ils plans per l'avegnir èn pia fatgs. Per part eran quels gia fatgs, avant ch'ella ha vairamain gudagnà il titel da campiunessa mundiala. La finala è il titel in ulteriur impuls.
Engraziament per il support
La giuvna Irina sa che ella ha gì bler sustegn sin quella via ch'ella va ussa dapi in onn. Era perquai ha ella engrazià la saira a Breil per il sustegniment. Il coc per il success giascha dentant vairamain tar ella sezza, sco Andrea Weibel, ina da sias menturas, ha ditg.
RR actualitad 07:00