Siglir tar il cuntegn

Header

cuntegn

Surselva Campiunadis mundials da skis alpin paralimpic 2019 a Sursaissa?

Sursaissa ha inoltrà ina candidatura per ils campiunadis mundials da skis alpin paralimpics dal 2019.

Il preventiv per quest eveniment munta 1,2 milliuns francs. Durant ils 10 dis da l'eveniment dovri mintga di 100 voluntaris.

audio
Bunura: Sursaissa vul campiunadi mundial per impedids 2019
ord Actualitad dals 10.11.2016.
laschar ir. Durada: 2 minutas 59 Secundas.

L’orientaziun per la populaziun da Sursaissa, ha mussà che Sursaissa na dumogna betg quai persuls. I dovra agid d’ordaifer. Uschia èsi previs da recaltgar voluntaris en l'entira Surselva e perfin sur ils cunfins dal chantun Grischun.

Sco quai che Markus Brasser, il manader da la gruppa che ha inoltrà la candidatura, ha ditg ad RTR, saja Sursaissa betg il sulet candidat per quest campiunadi mundial. I dettia anc dus auter candidats, ma els na sappian betg dir tgi che quai saja.

Ins quinta cun 140 atlets ed atletas che van a la partenza en las 5 disciplinas usitadas da ski alpin. Sco quai che Surselva Turissem ha inditgà stettian var 1'500 letgs a disposiziun en la regiun. Era chombras accessiblas cun sutgas da roda dettia avunda en questa regiun, uschia ils organisaturs. Il comité internaziunal paralimpic vegn a decider il schaner tgi che survegn il campiunadis mundials dal 2019.

Avrir maletg en lightbox.

RR novitads 06:00

Artitgels legids il pli savens