Els n'hajan gì nagins incaps, di Hubert Tomaschett. Ubain sch’ins veglia discurrer d'incaps, alura possia el dir ch’els hajan stuì currer trasora per da baiver e da magliar. Els n'hajan betg quintà che la cuschina marschia uschè bain. Mo quai saja fitg bel. El haja udì mo laud da tiradurs e visitaders.
250 tiradurs a Trun
250 tiraduras e tiradurs èn stads a Trun. Quai èn 50 dapli che quai ch’els avevan gì 2011 e 2012. Il punct culminant saja stà per el ils campiunadis grischuns da la sonda.
Hubert Tomaschett ha sa chapescha era plaschair dals resultats da sias duas figlias e da ses figl. Elena è daventada campiunessa grischuna tar l’elita G 10 cun buis d’aria, Nicolas setavel ed Irina otgavla. E forsa datti en duas ubain trais onns puspè in campiunadi grischun da tir sin 10 meters a Trun. 2018 è la festa da tir chantunala.
RR actualitad 06:00