Siglir tar il cuntegn
Inhalt

Surselva Campadi Garvera vul restar pitschen.

Il Campadi Garvera è a la staziun da Sumvitg. El porscha plaz per ca.20-25 rulottas ed intginas tendas. Dapi 2003 è el en ils mauns da Gion e Ludivina Candinas. A l’entschatta manava ella anc l’ustaria ch’è dasperas. Mo dapi in pèr onns ha ella laschà a tschains quella.

La tabla da bainvegni.
Legenda: La tabla da bainvegni. RTR, H. Giger

Sco Ludivina Candinas ha ditg ad RTR vegnian surtut persunas da l’Europa tar els, l’ultim temp era giasts da la Tschechia per ex. Interessant saja, che quels emprovian mintgatant da sbassar il pretsch. Ella chapeschia ch’il franc saja memia char, mo ella stoppia tractar tuts tuttina.

Els na possian betg far in grond gudogn cun quest campadi. Mo els hajan plaschair da la lavur, quai saja in hobi. Ed era sch’il campadi saja creschì ils ultims onns, na veglian els betg midar insatge e n' era betg engrondir el. Impurtant saja da cuntinuar cun lur stil d’esser pitschen e ruassaivel ed en quest senn unic en Surselva.