Durant l'enviern datti var 30 plaz da campar sin il campadi Viva a Rueras. L'anteriur campadi Rhein ha mida ses num cun la nova manadra dal campadi, la absolventa da la scola da turissem a Samedan Nicole Rüegsegger. L’ustaria dal campadi (durant temps da corona take away) era gia adina avert era l'enviern, quai pervia dals passlunghists che passan gest sperasvi.
Igl ha dar blers resuns positivs sin l'avertura dal campadi era durant l'enviern, la glieud chatta quai insatge grondius.
Sco quai che Nicole Rüegsegger di saja stà in pitschen pass da porscher il campar d’enviern. Cun 250 pernottaziuns a partir dal 19 da december saja ella cuntenta. Il plaz sco tal porscha infrastructura sanitara per peduns, passlunghists e per ils campaders. La vischnanca da Tujetsch haja pussibilità quella avertura d’enviern cun rumir la via fin tar il campadi.