Siglir tar il cuntegn

Header

cuntegn

Surselva Bus Alpin: Frequenzas bassas en la Val Sumvitg

La ruta dal Bus Alpin da Rabius a Rucahez atras la Val Sumvitg è periclitada da vegnir serrada sche las frequenzas na creschan betg.

audio
Ruta dal Bus Alpin en Val Sumvitg è periclitada
ord Actualitad dals 08.06.2017.
laschar ir. Durada: 1 minuta 4 Secundas.

Dapi 11 onns maina il Bus Alpin persunas che vulan ir sin la Greina l'emprim tschancun cun bus. Tenor il manader da fatschenta dal Bus Alpin, Samuel Bernhard, è la ruta da Rabius a Rucahez atras la Val Sumvitg periclitada da vegnir serrada. Il digren da frequenzas d’igl onn passà da 40% sforzi da far novas ponderaziun, ha ditg Bernhard. El mender cas stoppian ins chalar da porscher la ruta che maina da la staziun da Rabius enfin a Runcahez en la Val Sumvitg.

Ruta da Lumnezia sur Vrin betg periclitada

Las ulteriuras rutas da la Val Blegn e da la Lumnezia sur Vrin n'èn betg en privel, scriva il Bus Alpin.

La ruta da viandar da Runcahez sin la Greina saja vegnida renovada ils ultims onns e forza na saja quai anc betg propi conuschent, suppona Bernhard. Ma la Val Sumvitg sco tala saja fitg attractiva per viandar e forsa stoppian ins simplamain far pli conuschenta ella, ha accentuà Bernhard.

Il Bus Alpin cumenza sia purschida sco usità la fin d'emna dals 24/25 da zercladur.

RR novitads 11:00

Artitgels legids il pli savens