Siglir tar il cuntegn

Surselva Bus Alpin cun record da viagiaturs

Il Bus Alpin ha pudì nudar questa stad cun 32’700 viagiaturs in nov record. Sco quai che l’uniun Bus Alpin communitgescha, hajan ins pudì registrar la stad vargada var 0,5 pertschient dapli frequenzas che la stad da record 2013.

Il Bus Alpin da L'Alp Flex.
Legenda: Era il Bus Alpin da L'Alp Flex ha gì in record da viagiaturs la stad passada. RTR, F. Belotti

Sch’ins resguardia dentant anc la lingia en la regiun da Huttwil en il chantun Berna, nua ch’i ha dà in’acziun da rabat speziala e las lingias da Beverin e da la Val-de-Charmey (FR) ch’i na deva anc betg il 2013, è l’augment da viagiaturs schizunt 10 pertschient dapli che l’onn 2013. Il Bus Alpin procura per il manaschi da 13 lingias da bus en Svizra.

Quatter da questas èn en il Grischun. Igl èn las lingias en la regiun da Beverin, Bravuogn, Alp Flex e da la Greina.