Siglir tar il cuntegn
Inhalt

Surselva Burnout, u ina depressiun sa tutgar mintgin

Patruns en Surselva pon gidar persunas che pateschan da malsognas psichicas.

Purtret da Flex Flepp cussegliader d’integraziun.
Legenda: Felix Flepp cusseglia patruns e pertutgads. RTR, Linus Livers

L'Assicuranza sociala Grischuna organisescha ina saira d'orientaziun per ils patruns da la Surselva. En il Cinema sil plaz a Glion datti referats, in film ed ina discussiun al podium. L’idea è da cuntanscher ils patruns da la Surselva ed orientar els co ins pudess integrar en il mastergn persunas che han restricziuns psichicas.

Las malsognas psichicas èn creschidas ils davos onns. Ina da quellas che vegn pli e pli savens menziunada è il «burnout». Gest quellas persunas da burnout pon vegnir integradas, i dovra simplamain patruns ch'èn pronts da far quai.

La gronda part po lavurar en in lieu adattà in fitg aut pensum.
Autur: Felix FleppCussegliader d’integraziun SVA

En Surselva vegn annunzià tranter 100 e 150 cas ad onn tar la segirada d'invaliditad. Da quai èn var 30 fin 40 pertschient malsognas psichicas. Sco quai che Felix Flepp, il cussegliader d’integraziun che maina il biro a Glion di, datti per quellas persunas che han restricziuns psichicas bunas schanzas da vegnir integradas en la vita da lavur.

Quella integraziun funcziunescha mo sur ils patruns e mo sch'els èn pronts da surpigliar in tal lavurer, di Felix Flepp. El saja propi dependet da patruns averts per la chaussa.

RR actualitad 12:00