Siglir tar il cuntegn

Header

cuntegn

Surselva Bunas reginas fan buns e ferms avieuls

L’Uniun svizra da carnica ha lantschà in program per giuditgar reginas. Andreas Pfister da Sedrun è president da l'uniun ed in dals valitaders da quai program. El furnescha er sez reginas e controllescha uss 11 pievels.

Andreas pfister ha ses avieuler sur il vitg da Sedrun a Pitgmun. Là tegn el ils 11 pievels ch'el controllescha (in è mort durant l’enviern). A quels dat el puncts, respectivamain notas tranter 1 e 4.

Sch'in pievel ademplescha tut ils criteris survegn el la nota quatter.

audio
Bunura: ils megliers peivels da l'avieul Carnica
ord Actualitad dals 14.06.2017.
laschar ir. Durada: 2 minutas 22 Secundas.

In criteri impurtant è la varoa

Impurtant saja da guardar co ch'in pievel reagescha envers la malsogna da la varoa e quant resistent ch’el saja encunter quella (60% da la valitaziun).

Plinavant vegn il mel pasà la fin da la stagiun per savair quant ch’ils avieuls hajan producì. En pli veglian ins er quant agressiv ch’in pievel è. Pli pauc ch’in pievel attatga e meglier ch’el è, e quai è impurtant sch’in apicultur vul avair avieuls en vischinanza da chasas.

Gidar ils apiculturs da trair buns pievels

Andreas Pfister ha gia fatg part avant trais onns a quest program, sco el ha ditg ad RTR. La finamira da quel saja da gidar ils apiculturs da trair buns e ferms pievels e da far progress en la tratga dals avieuls da la sort «carnica».

RR actualitad 06:00

Artitgels legids il pli savens