Siglir tar il cuntegn

Header

cuntegn

Surselva Bunas novitads per la meglieraziun funsila da Mustér

Il mars 2012 avevan votantas e votants da Mustér decidì d’instradar la meglieraziun funsila. Uss ha il maun public decidì da sustegnair quest project cun la summa maximala.

Confederaziun e chantun pajan 85 % dals custs per la meglieraziun funsila. Quai ha il president da la vischnanca da Mustér Francestg Cajacob confermà a RTR. La meglieraziun è calculada cun 25-28 milliuns francs e cuzza fin circa2050.

audio
Bunura: Bunas novitads per la meglieraziun funsila da Mustér
ord Actualitad dals 25.04.2015.
laschar ir. Durada: 2 minutas 10 Secundas.

Igl è previs da reducir las passa 1'400 parcellas ed era da construir vias novas. La rait da vias cumpiglia en tut 34 kilometers. La gronda part èn vias existentas che vegnan sanadas ubain schlargiadas, passa 7 kilometers vegn construì da nov.

In project uschè grond po chaschunar retards. Sco Francestg Cajacob di, fissi bel sch’ins pudess far la badigliada gia quest onn. Mo cun ir atras tut las proceduras (per ex. dumonda da credit tar la populaziun) quintan els da far quai pir 2017.

Artitgels legids il pli savens