audio
Saira: Club da golf da Sagogn cun quint equilibrà
ord Actualitad dals 12.05.2017.
laschar ir. Durada: 2 minutas 31 Secundas.A la radunanza generala dal club da golf, che ha lieu sonda ils 13 da matg a Schluein, sa il president dal club Leo Cathomas preschentar in quint equilibrà per l’onn da gestiun 2016. Per cuntanscher quai resultat haja il club stuì tant augmentar las entradas sco era reducir las expensas.
Legenda:
Il president Leo Cathomas preschenta in'ulteriura novitad; ina staziun per chargiar autos electrics.
RTR, C. Albin
Dapli entradas haja dà entras l’augment da commembras e commembers activs, cun affittar parcadis e cun tegnair avert il restaurant public dal club era durant l’enviern. Il restaurant sa chatta en la chasa dal club ed il fittadin paja in tschert pertschient da la svieuta sco tschains. Las expensas han tenor Leo Cathomas cunzunt savì vegnir reducidas cun sbassar il chapital d’aczias (damain taglia) e cun reorganisar il team directiv.
Intginas cifras dal Buna Vista Golf Sagogn per l’onn da gestiun 2016
| 2016 | 2015 | |
|---|---|---|
| entradas contribuziuns annualas comm. | CHF 792'485.25 | CHF 748'275.45 |
| custs da persunal | CHF 726'371.80 | CHF 750'659.11 |
| svieuta totala | CHF 1'721'406.29 | CHF 1'714'503.57 |
| Cash Flow | CHF 184'605.03 | CHF 130'666.65 |
| summa da bilantscha | CHF 9'550'351.18 | CHF 9'780'179'77 |