Siglir tar il cuntegn

Header

cuntegn

Surselva Buna stad per las alps grischunas

Quai vala bunamain per tut las alps, cun paucas excepziuns. 75 commembers da l'Uniun da persunal d'alp dal grischun èn s'inscuntrads a Val, per la radunanza generala. Igl è sta ina radunanza statutaria, senza tractandas brisantas.

audio
Mezdi: Uniun da persunal d'alp: Adina dapli dunnas ad alp?
ord Actualitad dals 06.11.2017.
laschar ir. Durada: 2 minutas 28 Secundas.

La stad da quest onn saja stada curta, cun quai che la naiv saja vegnida baud. Dentant haja da differenzas regiunalas. En tscherts lieus haja dà ina buna stad, en autras regiuns ina stad normala. Ina mala stad n'haja dentant dà nagliur quest onn. Uschia Cornelia Aliesch, la nova presidenta da l'Uniun da persunal d'alp.

Uniun per tut il persunal d'alp

Cornelia Aliesch sa legra che l'anteriura uniun da signuns è daventada ina uniun per tut il persunal d'alp. Sco ella di, sajan da nov era ils chau tegias e tut tgi che haja interess vid las alps bainvegnids en quella uniun.

Quitads per luf ed urs

A la fin da la radunanza hajan ins dentant sentì ch'il persunal d'alp fetschia quitads pervia dal luf e l'urs che sa movan en il Grischun. Per las alps cun biestga, surtut cun vatgas mamma, datti betg la pussaivladad da pertgirar ils animals cun chauns da protecziun. Las vatgas mamma n'acceptian betg chauns da protecziun, uschia è stà d’udir a la radunanza a Val.

RR actualitad 11:00

Artitgels legids il pli savens