Siglir tar il cuntegn

Surselva Bun quint per Spitex Cadi

L’Uniun Spitex Cadi ha pudì preschentar a sia 20avla radunanza generala in gudogn da 37'758.61 francs.

Ina collavuratura da la Spitex tar ina pazienta.
Legenda: La Spitex sa gida a chasa cun tgira e cun il tegnairchasa. Keystone

Il gudogn sa resulta ord las expensas totalas da 1’543’070.81 francs ed entradas da 973’772.02. Uschia sa resulta in deficit da manaschi da 569’298.79 francs. Latiers vegnan dentant las entradas entras contribuziuns tenor lescha chantunala. Uschia ha il chantun pajà 333’686.85 francs. Las vischnancas da la Cadi han pajà 273’370.55 francs. Quai maina la finala ad in quint positiv.

Il preventiv 2016 che prevesa in deficit da 52’550 francs è medemamain vegnì approvà da la radunanza generala.

Sco quai che la Spitex Cadi communitgescha vinavant saja il dumber da clients restà stabil tar enturn 200. Il total da las uras prestadas saja s’augmentà per passa 4000 uras sin rodund 27’600 uras. 55% da questas uras da lavur sajan lavur prestada al client. 45% sajan uras prestadas en lavur administrativa e scolaziun. L’organisaziun da la Spitex Cadi dumbra actualmain 37 collavuraturas.