Siglir tar il cuntegn

Header

cuntegn

Surselva Bulieus attatgan ils pigns

Il bulieu Chrysomyxa Rododendri, per rumantsch il Ruiner, è responsabel per il setgar dals pegns. In'atgnadad da quai bulieu è ch'el dovra duas plantas per surviver.

Finadin piz e setgs pervia dal bulieu Ruiner
Legenda: Il bulieu Ruiner ha fatg lavur cumplaina. RTR, J. Clopath

La stad è el sin ils pegns e l'enviern sin las crestas-cot. Quest onn han ins pudì observar els auts sin il cunfin dal guaud pegns cun ils pizs tut mellens. Il chatsch da l'onn, quel che è anc fin e lom, setgava.

I na dat betg mintg'onn tuttina blers pigns che vegnan attatgads da quest Ruiner. Envierns fraids cun pauca naiv na surviva il Ruiner betg. Perencunter surviva el sut la naiv, sin la feglia da las crestas –cot.

Persunas inquietadas èn s'annunziadas

Tar l'uffizi da guaud da la Surselva èn pliras dumondas vegnidas da persunas inquietadas, ha ditg il manader da l'uffizi Urban Maissen. El ha pudì quietar la glieud. Ils pigns survivan questas attatgas sporadicas.

En l'entir chantun èn guauds stads pertutgads dal bulieu, di Urban Maissen. Da la regiun da Tavau, sur la Muntogna ed en Surselva hai da cas. En Surselva è quai stà a Mustér, Val Son Pieder, Sursaissa e Lumnezia, sco era sin l’alp da Schnaus.

Actualitad la saira 17:00

Artitgels legids il pli savens