Siglir tar il cuntegn

Header

cuntegn

Surselva Bronz per chaschiel grischun al champiunadi mundial

La Bergsenn SA cun las chascharias a Mustér e Savognin ha gì success en la categoria da chaschiels alpins.

Al champiunadi mundial da chaschiel a Madison/USA han il chaschiel «Bündner Bergrahmkäse Höhlengereift» fatg il terz plaz en la categoria dals chaschiels alpins.

In ulteriur success ha quai dà per il «Bündner Bergkäse vollfett Höhlengereift» ch’è vegnì sin plaz 12 en la medema categoria. Quests resultats sajan remuneraziun e motivaziun enina, scriva la Bergsenn SA en ina communicaziun a las medias.

La cumbinaziun da uman e natira saja alura era il secret (avert) dal success actual als champiunadis mundials 2016.

Valità quasi 3000 chaschiels

Quels (World Championship Cheese Contest) èn mintga dus onns a Madison en il stadi federativ american da Wisconsin. Quest onn ha la giuria valità quasi 3000 sorts chaschiel en 110 categorias.

La Bergsenn SA è la gronda producenta da spezialitads da chaschiel da muntogna en il Grischun. En las chascharias a Mustér e Savognin lavuran 40 persunas.

Artitgels legids il pli savens