Siglir tar il cuntegn

Header

Navigaziun

Hotel Frisal a Breil.
Legenda: Hotel Frisal a Breil. mad
cuntegn

Surselva Breil: Reavertura hotel Frisal

La stad passada è il hotel Frisal a Breil stà serrà. Ussa vegn el puspè avert entras la Breil Resort SA.

La Breil Resort SA maina gia il Resort Pradas da las pendicularas Breil-Vuorz-Andiast ed ussa da nov era il hotel Frisal. Tenor il directur da las pendicularas Beat Zenklusen possian ins nizzegiar uschia sinergias tar il persunal. Saja quai tar il schubregiar, la tecnica ubain era l’administraziun. Da l’autra vart haja il resort nagina ustaria. Uschia possian ins engrondir la purschida per exempel per giasts dal resort che giavischan solver, declera Beat Zenklusen vinavant. Ils giasts dal hotel perencunter pon profitar da las purschidas dal resort.

Renovaziun dal hotel

Ils ultims mais èn las chombras e l’ustaria vegnidas renovadas. Quant che quai ha custà na vul Beat Zenklusen betg tradir. Ils custs na sajan betg stads auts perquai ch’ins haja pudì far bler sez.

L’hotel cun 22 letgs e var 40 plazs en l’ustaria avra sias portas il 16 da december 2016, las 16.00.

Hotel Frisal e Pradas Resort a Breil
Legenda: Grafica RTR