Siglir tar il cuntegn

Header

cuntegn

Surselva Breil – Losanna di che lubientscha da bajegiar è spirada

La Gastro Breil SA e la societad da bajegiar Ruast na dastgan betg bajegiar duas chasas da pliras famiglias en la vischnanca da Breil. Il Tribunal federal a Losanna ha refusà il recurs che las firmas avevan fatg.

Recurs avevan las duas firmas fatg cunter ina decisiun da la Dretgira administrativa dal Grischun dal favrer 2017. Quella aveva decidì che la lubientscha da bajegiar dal 2013 saja spirada, damai ch’il termin per finir la construcziun saja scadida suenter dus onns. Vi da quai n’avess era midà nagut, sche las firmas avessan gia cumenzà a bajegiar las chasas.

Cumenzà hai il 2012

Il 2012 aveva la vischnanca da Breil dà a la Gastro Breil SA la lubientscha da bajegiar duas chasas da pliras famiglias. L'uniun Helvetia Nostra ha lura pretendì da la vischnanca che la decisiun saja da revocar. La vischnanca ha ditg na, e la Dretgira administrativa dal Grischun ha sustegnì questa decisiun.

In emprim recurs a Losanna

La Helvetia Nostra ha lura fatg in emprim recurs tar il Tribunal federal, perquai che la lubientscha da bajegiar saja spirada. Quai ha il Tribunal laschà valair, e cumandà a la Dretgira administrativa da sa fatschentar anc ina giada cun il cas. Quella ha decidì il favrer 2017 en favur da la recurrenta, sinaquai èn las firmas involvidas sa drizzadas al Tribunal federal.

Da pajar enstagl da success

La Gastro Breil SA e la societad da bajegiar Ruast han da pajar ils custs da la dretgira da 2’000 francs. Plinavant ha il Tribunal federal decidì, ch’ellas ston pajar a la Helvetia Nostra ina summa da 2’500 francs.

RR novitads 12:00

Artitgels legids il pli savens