Siglir tar il cuntegn
Inhalt

Surselva Breil: Il festival da viandar emplenescha hotels ed abitaziuns

La stagiun morta vegn uschia reducida e la stagiun da stad entschaiva pli baud.

Tendas da festa sin il plaz Cadruvi.
Legenda: La festa Sursilvana sin il plaz Cadruvi a Breil. mad

La destinaziun da vacanzas Surselva Turissem e las vischnancas da Breil, Vuorz ed Andiast èn persvadas ch’i dovra in tal eveniment per far attent sin las purschidas da quella regiun. Il festival cuzza trais dis ed ha lieu da Tschuncaisma.

Tanja Sgier da Surselva Turissem, che ha lantschà quai festival da viandar, quinta da pudair presentar uschia ad in grond dumber da viandants la regiun enturn Breil.

Il motto da viandar da Surselva Turissem è da porscher natira, cultura e culinarica. Ch'il viandar è ils davos onns in trend saja franc era da contribuir a las purschidas pli e pli attractivas per questa activitad turistica.

Plinavant è il viandar era vegnì pli simpel, manegia Tanja Sgier. Ils chalzers pli levs, il resti funcziunal pli empernaivels da purtar, ed i dettia adina dapli s per viandar. Ins stoppia dentant era savair ch'i dettia persunas che van a viandar gest per fugir da la digitalisaziun, pia dal mintgadi.

RR actualitad 11:00