Il cussegl da la vischnanca da Breil en Surselva ha examinà ier saira il rapport da gestiun ed il quint dal 2014. Sco la vischnanca da Breil scriva è il quint meglier che previs. Uschia po la vischnanca annunziar in gudogn da stgars 800’000 francs tar investiziuns da radund 10 milliuns francs.
En cumparegliaziun cun il 2013 è il quint crudà ora per radund mez milliun meglier. Cunzunt las entradas da taglia e d’energia sajan crudadas ora meglier che budgetà e procurian per quest gudogn. Vinavant ha la vischnanca da Breil fatg amortisaziun da circa 2,6 milliuns francs. Il cash-flow da la vischnanca munta a 3,4 milliuns francs.