Bova blochescha via

Il venderdi la damaun enturn las sis è ina bova vegnida giuadora ed ha bloccà la via tranter Sevgein e Riein.

Crappa sin via

Legenda da maletgs: La bova impedescha il traffic tranter Sevgein e Riein. RTR, L. Livers

Sco quai che l’uffizi da construcziun bassa ha ditg ad RTR sa tracti da bun 10’000 meters cubic material ch’èn vegnids giuadora.

Quant ditg che la via è serrada e quels da Riein ston ir sur Dutjen per vegnir giu en la val n’è anc betg cler. L’emprim stoppian ins anc far diversas expertisas avant da puspè pudair dar liber la via.

TSG 01-06-2015