Siglir tar il cuntegn

Surselva Bler traffic a Flond cun il Dragrace

104 pilots en partids in encunter l'auter en cursas d'acceleraziun. Gist sur il vitg da Flond sin in prà han las cursas gì lieu.

Legende: Video Motors, benzin ed acceleraziun: Impressiuns dal Dragrace Flond abspielen. Laufzeit 1:04 Minuten.
Or da RTR dals 19.06.2016.

La vischnanca da Sursaissa/Mundaun segna suenter il «Hillclimbing» puspè per in eveniment da sport cun motors. Questa regiun para d'avair ina speziala chapientscha per tals eveniments per in public spezial. A Flond è sta d’udir che la glieud haja chapientscha per la giuventetgna che organiseschia l'eveniment.

Las cursas sezzas èn organisadas uschia che mintgamai 2 töfs èn in sper l’auter ed han da charrar sur ina lunghezza dad 80 meters sur in prà. Quel ch'è pli spert ha gudagnà e vegn vinavant encunter il proxim.

Ils pli sperts han 4,4 secundas per 80 meters

purtert da David Monsch
Legenda: David Monsch dal comité d'organisaziun e sez era motociclist sin la pista da acceleraziun. RTR, L. Livers

David Monsch dal comité d'organisaziun e possessur dal prà, nua che la cursa vegn fatga, è satisfatg dal dumber da motociclists e dal dumber da ver 500 aspectaturs. El valitescha questa occurrenza sco success ed en curt vegnan els a decider, sch'i dat era l’auter onn ina tala cursa da acceleraziun sin il prà a Flond.