La biadia d’Alois Carigiet, Felicita Felley, raquinta, co che ses tat ha entupà Selina Chönz. Quai saja stà en in temp difficil.
Jau sun snuaivel ventiraivla e loscha sin mes tat, sin Selina e sin questa istorgia.
Inscunter a Turitg
Uorsin è naschì durant la Segunda Guerra mundiala. En ses diari haja il tat scrit, ch’el saja turnà da Turitg e ch’el haja emprendì d’enconuscher Selina Chönz. Ella haja preschentà ina skizza per in cudesch d’uffants, ed el vulessi gugent illustrar quel.
Ma el na possia decider en questa situaziun. I saja uschè grev, perquai ch’i saja guerra.
S'imaginar il mund dals uffants
Alois Carigiet ha dentant decidì da collavurar. Sco Felicita Felley di, saja el stà impressiunà da la cuntrada, da las chasas engiadinaisas, da las picturas e da l'usit da Chalanda mars.
El ha gì blers talents, ed in da quels è stà da pudair s’imaginar il mund dals uffants.
L'istorgia dad Uorsin è actuala
L’istorgia da l’Uorsin haja er en il temp dad oz ina muntada, di la figlia dal pictur-artist da Trun, Domenica Carigiet:
Sch’ins s’engascha vairamain per insatge, pon ins era cuntanscher insatge.