Il decret è cler: l'auter onn na dastga il tirc betg vegnir plantà en il medem lieu sco quest onn. Uschia pon ins interrumper il ciclus dal bau da tirc.
Jau n'hai anc mai plantà tirc dus onns in suenter l'auter en il medem lieu.
Per Claudio Caveng il pur dad Isla a Glion è quai gia ina chaussa ch'el fa adina uschia.
Per mai datti bleras pussaivladads da far autras culturas ed uschia evitar talas monoculturas.
Sche tut ils purs avessa suandà quella devisa sco i vegn atgnamain era cusseglià, fiss il bau da tirc forza betg arrivà en il Grischun. La problematica da la monocultura sa mussa uschia da sia nauscha vart.