Siglir tar il cuntegn
Inhalt

Surselva Batten d'in lajet sin la Greina

La Fundaziun svizra per la Greina dat in num al lajet en la Val Canal (2568 m) sin la planira da la Greina. Questa ceremonia ha lieu ils 15 d’avust 2016. Il lajet survegn il num «Laghet la Greina».

Il plaun da al Greina.
Legenda: Il plaun da al Greina. Fundaziun svizra da la Greina

Per survegnir la lubientscha da dar in num a quest lajet ha la Fundaziun svizra per la Greina stuì dumandar la cumissiun grischuna da nomenclatura. Ma la finala hajan era las vischnancas da Lumnezia e Sumvitg stuì esser d’accord, di il mainafatschenta da la fundaziun Gallus Cadonau.

Cumbat ha cumenzà 1978

La ceremonia cun battegiar il lajet saja in punct culminant en l’istorgia da la protecziun da la Greina. Il cumbat per mantegnair quest territori ha cumenzà 1978, da lez temp anc sco cumbat encunter las ovras da Glion I e II. 1986 (la data da naschientscha da la Fundaziun svizra per la Greina) ha la NOK alura decidì da betg construir in’ovra idraulica en la Greina. Sco cumpensaziun han las vischnancas da Vrin e Sumvitg survegnì mintgamai passa ina milliun francs l'onn.

Signal da protecziun

Il batten dal lajet saja era in signal per cuntinuar a proteger lais, flums ed uals en las muntognas. Ed en quest connex fa Gallus Cadonau era valair ch’ins na stoppia betg construir ubain planisar ovras idraulicas pitschnas.


Legende: Video 30 onns Fundaziun Svizra Greina abspielen. Laufzeit 03:56 Minuten.
Or da Actualitad video dals 14.08.2016.

In sguard en l'istorgia …

RR actualitad