Entschet a preleger ils texts ch’ella scriva, ha ella sin giavisch d’ina amia. Il stil da leger, ha ella sezza creà. Quai ha ella fatg plitost ord in basegn. Sco Barla Coluccello ha tradì ad RTR haja ella legastenia. Quai haja sfurzà ella gia da pitschen ensi da leger dad aut.
Oriundamain aveva ella emprendì da pictura, la finala è ella sa tschentada tar in mastergn social. Il mument lavura ella en la canorta Lumnezia.
La producziun el Cinema sil plaz a Glion avant aspectaturs è stada pir sia terza prelecziun.Tar sias producziuns vegn ella accumpagnada da musicists ni musicistas. La producziun el Cinema sil plaz ha ella fatg cun Dario Hess in musicist cun la ghitarra.
La dunna da 32 onns ha ina preschientscha sin tribuna sco sch’ella vess mai fatg insatge auter.
Il texts ch’ella prelegia, han adina puspè da far insatge cun ella sezza. Uschia tradescha ella chaussas privatas, e strusch ch'ins crai da savair insatge dad ella, vegnan il dubis, è quai forza tuttina mo inventà, pia spir fantasia. Tgi e tge ch'ella è vairamain, vegn ins strusch a savair.
Ils texts sez mo era la moda e maniera co ella preschenta els, dattan il scharm a la chaussa.
RR actualitad 08:00